OPNUNARTÍMAR UM PÁSKANA

Skírdagur 5. apríl: LOKAÐ

Föstudagurinn langi 6. apríl: LOKAÐ

Laugardagur 7. apríl: OPIÐ frá 10-12

Sunnudagur Páskadagur: LOKAÐ

Mánudagur  2. Páskum : LOKAÐ

OPIÐ skv venju frá þriðjudeginum 10. apríl

Bakvakt um páskana hefur Elfa s 896 0106, vinsamlegast notið einungis símann ef um neyðartilfelli er að ræða.

Gleðilega Páska!

Höfum nú til sölu á Dýraspítalanum Polarolíu fyrir hunda.  Frábært fæðubótarefni fyrir alla hunda og sérstaklega þá sem eru viðkvæmir í feldi og eru með kláða, hárlos og þurran feld.  Góð stuðningsmeðferð fyrir ofnæmishunda og gigtveika hunda.  Einfalt að gefa út á fóðrið eða gefa þeim í skeið - hundarnir eru mjög hrifnir af olíunni.

Polarolje -  250 ml  selsolía fyrir hunda.

Eykur gljáa í feldinum og minnkar hárlos

Gott fyrir liðina, dregur úr eymslum og stirðleika

Bætir meltinguna og ónæmissvarið

Fyrirbyggir exem , kláða og sár í húðinni

Mýkir og styrkir þófanna

Nýlega greindist nýtt þráðormasmit í hundum á Íslandi.  Þetta er þráðormur sem aðallega lifir í fólki en getur smitast í dýr.  Hann hefur greinst áður í innfluttum hundum í sóttkví hérlendis. 

Hér gildir það sem við á Dýraspítalanum í Lögmannshlíð höfum alltaf brýnt fyrir hundaeigendum,  ormahreinsa hunda sína reglulega:
Hvolpa vikulega í 4-8 skipti og fullorðna hunda amk árlega og gjarnan á 3-4 mánaða fresti. 
Þráðormar (spóluormar) finnast víða í umhverfinu og aðallega smitast þeir með skít úr sýktum hundum.  Eggin eru í saurnum og er smitgeta þeirra mest eftir 4-5 daga utan hundsins.  Hundaeigendur verða alltaf að þrífa upp skítinn eftir hundinn sinn, nóg er fyrir aðra hunda að þefa af skítnum til að smitast af ormum - eggin klekjast þá út í lungum hundanna.

Greinargerð frá MAST um ormasmitið:

   Í síðustu viku greindist þráðormurinn Strongyloides stercoralis í þremur hundum á höfuðborgarsvæðinu. Greiningin var gerð á Tilraunastöð Háskóla Íslands á Keldum. Tveir þeirra komu nýlega frá hundabúinu á Dalsmynni á Kjalarnesi. Eigendum hundabúsins hafa verið gefin fyrirmæli um bann við frekari afhendingu hunda frá búinu þar til staðfest hefur verið að smit er ekki lengur til staðar. Rannsókn á saursýnum úr hundum á hundabúinu leiddi í ljós að þetta ormasmit er að finna í nær 50% þeirra sýna sem þar voru tekin. Tekið skal fram að ekki ber á sýnilegum veikindum hjá hundunum á Dalsmynni og hundar búsins hafa verið ormahreinsaðir reglulega af dýralækni búsins. 

Þetta er í fyrsta sinn sem Strongyloides stercoralis finnst í hundum hér á landi utan einangrunarstöðvar. Ormurinn hefur aftur á móti greinst nokkrum sinnum í innfluttum hundum á einangrunarstöð, í fyrsta skipti árið 2008. Þeir hundar fengu meðhöndlun, saursýni voru síðan tekin við útskrift úr einangruninni og aftur einum og sex mánuðum eftir heimkomu, þrjú sýni í hvert skipti. Einnig hafa verið tekin sýni úr öðrum hundum á heimilinu ef svo hefur borið undir.

Ekki er vitað hvernig þeir hundar sem nú um ræðir hafa sýkst af orminum en könnun á málinu fer nú fram á vegum héraðsdýralæknisins í Suðvesturumdæmi og ráðstafanir verða gerðar til þess að koma í veg fyrir að þessi ormur berist með hundum frá hlutaðeigandi hundabúi. Tekið skal fram að ekki er vitað um smit af þessum ormi í hundum hjá öðrum hundaeigendum á Íslandi og ekki er vitað til að hann hafi greinst í fólki hér á landi. Matvælastofnun hefur þegar sent út tilmæli til allra dýralækna um að hafa vakandi auga vegna hugsanlegs smits í gæludýrum. Hundaeigendum sem hafa fengið hunda nýlega frá Dalsmynni og öðrum sem hafa ástæðu til að ætla að hundar þeirra geti verið smitaðir, er bent á að hafa samband við sinn dýralækni. Einkenni eru ekki alltaf til staðar en fram getur komið niðurgangur, megurð og hægur vaxtarhraði. Í alvarlegum tilfellum fá hundarnir oftast hita og andardráttur verður grunnur og hraður.

Strongyloides stercoralis lifir aðallega í fólki, en finnst einnig í hundum, köttum og öpum og smit getur borist á milli manna og dýra. Ekki er vitað hvort sama gerð ormsins smiti fólk og dýr, en ekki er hægt að útiloka það. Hann er algengur í Suður- og Austur-Evrópu, Afríku, Asíu og Mið- og Suður-Ameríku og suðausturhluta Norður-Ameríku. Lirfur ormsins lifa í jarðvegi og geta smitað fólk og dýr um húð og meltingarveg. Oft veldur sýkingin engum einkennum en fram geta komið væg lungnaeinkenni, kviðverkir, ógleði og niðurgangur. Sýkingin er ekki talin hættuleg fólki nema fyrir einstaklinga með ónæmisbælingu vegna sjúkdóma eða lyfja. Sjá nánari upplýsingar um smit í fólki á www.landlaeknir.is

Ávallt skal gæta hreinlætis við umgengni og umönnun dýra því ýmsir sýklar geta borist úr dýrasaur í menn. Tíður handþvottur er mikilvægasta smitvörnin, einkum fyrir máltíðir og matarundirbúning. Forðast skal að láta hunda sleikja andlit fólks. Saur hunda skal hreinsa upp, setja í plastpoka og síðan í sorptunnu.
 
 

Þessi dásamlega litla Pug tík heitir Dorrit og er nýkomin til eiganda sinna Guðrúnar og fjölskyldu á Akureyri.  Hún er svakalega sæt og mikið krútt , Pug eru kátir og glaðir hundar  sem eru miklir félagar eigenda sinna og hafa gaman af börnum og leik.

Guðrún var búin að vera dugleg að safna sér peningum fyrir hundi og gat borgað hann sjálf með smá aðstoð frá mömmu og pabba - afa á Grenivík fannst nú hundurinn dýr enda ekki mikið um að keyptir væru hundar í hans ungdæmi  en eftir að hafa komið og séð Dorrit fannst honum hún alveg þess virði!

Allir hvolpar þurfa dót að naga, annars geta þeir skemmt hluti heima.

Dorrit er snögghærð og þurfa þeir hundar að vera í peysu úti yfir veturinn, annars verður þeim allt of kalt.  Dorrit mun ekkert skorta, hún fór alsæl heim með nagbein, bólusett og ormahreinsuð í nýrri peysu! 

URR hundamaturinn er nú til hjá okkur í 500gr pökkum. 

URR hefur ekki verið fáanlegt um tíma vegna stórsölu til USA og Kanada.  Þar á bæ er mikið eftirlit með innihaldi og gæðum dýrafóðurs og þurfti URR og MURR fóðrið að fara í gegnum ítarlegar prófanir til að fá samþykki.  Með ánægju má segja frá að fóðrið stóðst alla skoðun með prýði og vakti athygli fyrir frábært hráefni og mikil gæði! 

URR og MURR  er unnið úr íslenskum sláturafurðum án allra aukaefna - hrein íslensk vara, full að hágæða kjöti, járni og vítamínum, hollt og gott fóður fyrir dýrin okkar, má bæði nota sem einasta fóður eða samhliða góðu þurrfóðri.

23. desember, Þorláksmessa: opið 10 - 12

24. 25. og 26. desember: LOKAÐ

27. - 30. desember opið skv venju

31. desember, Gamlársdagur : opið 10 - 12

1. janúar 2012: LOKAÐ

Opið skv. venju frá 2. janúar 2012

Engin föst vakt er á spítalanum yfir hátíðarnar en ef um neyðartilfelli er að ræða má reyna farsíma Elfu dýralæknis 896 0106.

Við óskum öllum dýrum og eigendum þeirra Gleðilegra Jóla og farsældar á komandi ári, þökkum ánægjuleg samskipti á árinu sem er að líða !